Yn dal i gael anhawster gyda chynlluniau ffioedd?  Eisiau gwybod sut y gall eich prifysgol ehangu mynediad?  A beth mae’r holl son am uno sefydliadau yn ei olygu?

Mae UCM Cymru’n lawnsio cyfres o weithdai di-dâl ar gyfer staff a swyddogion yn yr undebau myfyrwyr hynny sydd mewn aelodaeth.

Bydd pob un o’r digwyddiadau un-dydd yma’n sesiwn ddwys o drafod a rhannu ar fater polisi penodol.  Mae’r gyfres yn ymarferol ei ffocws gyda’r nod o:

• gynorthwyo eich gwaith o fewn i’ch hundebau
• annog trafodaeth ar draws y mudiad
• gwneud y gorau o’ch mewnbwn i gynllun gwaith UCMC yn ystod y flwyddyn sydd i ddod

Gweithdy Polisi #1: Cynlluniau Ffioedd (4 Ebrill 11am - 4pm)

Bydd staff a myfyrwyr yn trafod pam fod gennym ni gynlluniau ffioedd, a sut y byddai un effeithiol yn edrych, yn ogystal â ffyrdd y gall undebau fynd ati i gyfrannu at ddatblygiad cynlluniau ffioedd.  Bydd cyfarwyddwr UCMC Hannah Pudner a swyddog polisi UCM DU Alan Roberts yn arwain y gweithdy.

Cynhelir y gweithdy yn swyddfeydd UCM Cymru, 2il Lawr, Adeiladau Cambrian, Sgwâr Mount Stuart, Caerdydd, CF10 5FL.

Mae lleodd yn gyfyngedig.  Dim ond dau gynrychiolydd o bob undeb gaiff fynychu’r digwyddiad.  I gofrestru, e-bostiwch Hannah.Pudner@nus-wales.org.uk erbyn 5pm dydd Mawrth 27 Mawrth.