Penodwyd James Koash, 21, sydd ar hyn o bryd yn astudio ar gyfer MSc mewn Marchnata ym Mhrifysgol Morgannwg, yn llysgennad Cymru ar gyfer yr Arolwg Cenedlaethol o Fyfyrwyr. Mae’r rôl yn golygu gweithio gyda sefydliadau ledled Cymru a’u helpu i godi ymwybyddiaeth o’r arolwg.

Mae’r Arolwg Cenedlaethol o Fyfyrwyr yn arolwg blynyddol, a gynhelir gan Ipsos Mori, sy’n caniatáu i fyfyrwyr israddedig ddarparu eu Prifysgol ag adborth, yn seiliedig ar eu profiadau.

Dywedod y llysgennad newydd dros Gymru: “Rwyf yn falch iawn fy mod i wedi cael fy newis ar gyfer y rôl yma. Mae wedi rhoi cyfle i mi ymgysylltu â mudiad y myfyrwyr ar raddfa ehangach.”

Hefyd ail-etholwyd James yn ddiweddar fel Cadeirydd Cyngor y Myfyrwyr ym Morgannwg – rôl wirfoddol sy’n ei wneud yn rhan o dîm pwyllgor gwaith Undeb y Myfyrwyr.

“Dyma fy mhedwaredd flwyddyn fel cynrychiolydd yr Undeb, sy’n fy ngwneud y cynrychiolydd mwyaf profiadolo yn hanes ddiweddar, ym Morgannwg,” esboniodd James. “Mae cydbwyso fy ngradd â bod yn gynrychioydd myfyrwyr wedi bod yn anodd, ond mae’n galonogol gwybod fod fy ngwaith o fudd i fyfyrwyr eraill.”

Mae James newydd gwblhau gradd BA mewn Cynhyrchu yn y Cyfryngau gyda Marchnata, gan ennill gradd Anrhydedd Dosbarth Cyntaf.

Os oes unrhyw Undeb Myfyrwyr yng Nghymru yn chwilio am gyngor ar sut i hyrwyddo’r ACF, mae croeso i chi gysylltu â James drwy e-bost: james.koash@nus.org.uk